Edito

Kolikoly

Edito
Alarobia 09 Desambra 2015

Roa miliara dolara mahery ny vola very isan-taona manerantany noho ny resaka kolikoly. Ampy hanatanterahana ny ampahatelon�ny fandaharanasa PND hampandrosoana an�i Madagasikara io vola io.

Mitovitovy taona amin’ny nisian’ny olombelona tety ambonin’ny tany ny kolikoly. Lasa efa rafitra sy fomba amam-panao mihitsy amina firenena maro, indrindra fa ireo sahirana, tafiditra ao anatin’izany i Madagasikara. Manamora na manafaingana ny zavatra atao ho an’ny sasany izy io saingy manakorontana ny fiarahamonina sady mampisy elanelana eo amin’ny manan-katao sy ny tsy manan-katokona. Noho ny kolikoly dia afaka madiodio foana izay manam-bola eny amin’ny fitsarana na dia efa voaporofo izao aza fa meloka. Noho ny kolikoly dia miroborobo ny fanorenan-trano tsy manara-dalàna ka na tatatra sy lakandrano aza dia totofana na taingenana, tondraka ny rano avy eo, mitondra faisana ny ambany tanàna. Noho ny kolikoly dia manome tombontsoa mihoapampana vondron’olom-bitsy ny fitondram-panjakana, ary vola no mibaiko ny sonian’ny manampahefana fa tsy ny soa iombonana. Azo atao anefa ny mampihena ny kolikoly mba hanjakan’ny rariny sy ny hitsiny ary hampirindra kokoa ny fiainam-piarahamonina. Tsy rafitra sy lalàna fotsiny no enti-miady aminy fa tena mila fanovana ny toe-tsaina sy ny fomba fijery mihitsy.

RTT