Edito

Iza no vonon-kihavana ?

Edito
Talata 11 Jolay 2017

Iza no vonon-kihavana ? Heverina fa izay no fintin’ny fanontaniana nipetraka tao an-dohan’ny filoham-pirenena teo aloha raha namaly izany ka nilaza fa tsy fotoana ny

fifampitsikerana intsony izao ary tokony hifamela ny rehetra ahafahana mijery ny tombontsoam-bahoaka amin’izay. Efa niaiky ny fahadisoany ity filoha teo aloha ity tamin’ny fotoan’androny ary dia mbola namerina ny fialan-tsiny tamin’ny fankalazana ny faha-15 taonan’ny antokony. Tsy nisy voasivana tsy hanotrona ny fankalazana izay natao ihany koa dia tsy nialon-jafy, hoy ny fitenenana izay ny fety. Mbola fotoana ve izao, hanaovana politika vao mainka mahamenatr’olona noho izay efa nisy teo aloha ? Mbola fotoana ve izao hitenenan’izay eo amin’ny fitondrana hoe anay izao ny tanàna ? Nefa efa mikakakaka mahita ny fahantrantsika daholo hatramin’ireo firenena noverezintsika taloha ? Mbola fotoana ve hifanaovana teny mifono kolontsaim-balifaty hoe izany ihany no nataonareo teo ?

J. Mirija