Edito

Io ary ilay efa nampoizina

Edito
Alarobia 04 Novambra 2015

Ampy nahadobo-drano faritra maro teto Antananrivo renivohitra ny orana tsy dia hoe matevina nirotsaka tao anatin�ny 3 andro.Efa miaina ao anaty rano sahady ny ampahan�ny mponina eny Ampefiloha, Anosipatrana atsinanana, Andavamamba.Mazava ny resaka :tsy misy ny lalan-drano, tsentsina noho ny fako izay arian�ny olona manodidina ihany ny tatatra, tampina noho ny fanorenana tsy ara-dal�na na ny fanotofana tanimbary ny lalan�ny rano

.Tena ho zava-doza ny hitranga rehefa hijojo andro maromaro ny orana hoy ny mponina amin’ireo faritra iva ireo.Io ilay efa nampozina ary nilazana fa famonoan-tena ho an’ny olona ny manary fako anaty tatatra, vao miha zava-doza ihany koa ny fanotofana tany tsy am-piheverana amin’ireo faritra nisy honahona, na tanimbary na farihy eto Antananarivo satria tsy misy intsony ny lalana ivoahan’ny rano.Efa nisy ihany ny fanadiovana ny tatatra fa tsy tontosa isan’andro izany no ho ny tsy fahampian’ny vola raha ny fanazavana azo avy ao amin’ny kaominina ; tompon’andraikitra koa anefa ny ministeran’ny fanajariana ny tany ka tokony efa hanomboka dieny izao ireo asa tena maika fa tsy andrasana efa tondraka indray ny rano vao mikorapaka amin’ny andro alina ; raha tsy hoe fanahy iniana avela ho dibo-drano mihitsy Antananarivo dia ahilika any amin-dRamatoa ben’ny tanàna daholo ny rihatra avy eo…izay ilay politika maloto e !

RTT