Edito

Inona no tanjona ?

Edito
Alakamisy 24 Aogositra 2017

Tsy azon’ny vahoaka loatra amin’ny ankapobeny ny tanjon’ireo mpitondra sy mpanao politika ary sendika eto amin’ny firenena amin’ireo hetsika mijolofotra lava izao kanefa tsy hanovana paikady ho any amin’ny mahomby kokoa mihitsy.

Miha mahazo toerana ny ahiahy isan-karazany ny amin’ny fiheverana fa mpikarama an’ady politika avokoa ireo manao fihetsiketsehana amin’izao fotoana izao ary omen’ireo mpamatsy miafina ny anjarany ihany hatrany saingy ireo vahoaka kosa etsy an-kilany miha malemy sy fadiranovana ary mijaly. Sao dia vao mainka fanamafisana orina ilay paikady politika maloto novoizina tany amin’ny taona 70 sy 80 hatrany izy ity izay nilaza fa raha tiana ny hijanona mandra-pahafaty eo amin’ny fitondrana dia abadoy ny vahoaka, ampahantrao ary poteho ny sarangan’olona manana ny ampy izay itoeran’ireo manampahaizana sy tia karokaroka. Ny tenin’ny filoham-pirenena tany Antsiranana teo toa hafahafa raha nilaza tamin’ny filohan’ny fankalazana ny faha-50 taonan’ny FJKM fa hirariana ity farany haharitra eo amin’ny toerany fa aoka ho azy kosa ny fanjakana ?

J. Mirija