Edito

Inona no hafenina ?

Edito
Alakamisy 14 Septambra 2017

Miha manjavozavo hatrany ny raharaham-pirenena ary miala bala ny fanontaniana apetrak’ireo mpanao gazety isan’andro ireo mpitondra. Inona no hafenina ?

Miha mitombina andro aman’alina koa ankehitriny izay fanontaniana izay, raha ny tsikaritra manoloana ny fihetsika asehon’ireo mpitondra fanjakana izay mametra hatrany ny fanontanian’ny mpanao gazety tsy hahatonga ho tompon-trano mihono ny mpiray tanindrazana aminy manoloana ny raharaham-pireneny. Nahagaga ihany ny nandavan’ny filoham-pirenena haneho hevitra manokana tamin’ny haino aman-jery teny amin’ny Fitsarana avo etsy Anosy omaly na dia hiteny ny fihetseham-pony fotsiny aza mikasika ny fahitany ny tombok’asa nataon’ilay filankevitry ny fampihavanana malagasy. Heverina ho zava-dehibe hatrany eo amin’ny tantaram-pirenena izany atao hoe : « Fianianana » izany kanefa dia tsy mba hanan-kolazaina ve ny filoha ? Ilay fihavanana sy fampihavanana mihitsy ve no tsy ankasitrahana sa misy fanontaniana hafa maro izay mety hahasadaikatra sy hahavalalanina ny hanome valiny marina mikasika azy ?

J. Mirija