Edito

Inona no dikany ?

Edito
Talata 29 Aogositra 2017

“Izay no lahatra”, hoy ilay fomba fitenenana izay. Nahatratra 28 ny mpikambana teo anivon’ny governemanta efa nalana tamin’ny toerany tao anatin’ny 3 taona, raha natao ny kajy.

Hatramin’izao anefa, mbola mahatsapa tsy fandriampahalemana mirongatra sy hanoanana ary tsy fananan’asa hatrany ny ankamaroan’ny olom-pirenena. Maromaro ireo fifanakalozana sy fifamindram-pahefana efa nitranga omaly. Azo antoka fa toy ny mahazatra dia samy hilaza ho tsy hiamboho adidy izay nandray seza sy mbola handray izany eo. Tsy mety voavaly hatramin’izao hoe inona marina no dikan’iny fanovana governemanta iny ? Tsy ny tonta ihany ve no navadibadika ? Sa mba ho famonoana afo sy ho fialana bala fotsiny fa mamaly ny hetahetam-bahoaka ny fitondrana ? Aiza ary ilay porofo manamarina ny voalazan’ny filoham-pirenena fa olona tokoa no olana eto fa tsy rafitra ?

J. Mirija