Edito

Hotsarain’ny vahoaka amin’izay !

Edito
Alatsinainy 20 Aogositra 2018

Fifidianana izao no malaza ary efa maro ireo kandida nandrotsaka ny dosieny ankoatra ireo hanatitra farany anio sy rahampitso.

Papangolahy anaty katsaka ireo ka izay mivoaka iray babany avokoa. Raha ny hevitra dia samy manana ary mitombina fa samy nosoran-dreniny menaka ka tsy hatoro voanjo hadiana raha fampandrosoana ny firenena. Na ny ankamaroan’ireo kandida aza dia nisy ny efa nitondra sy nanana andraikitra teto amin’ny firenena, saingy maro no tsy nisy napoaka fa nanetry ny firenena aza no nataony. Misy nahay nandrodana, nandroba, nandoro ary ny mamotika ny efa nijoro no nataony, avy eo nangorona ny harena rehetra azo naorina, kanefa dia mbola mamita-bahoaka ho Mesia hanavotra ny firenena. Raha ny vola dia samy niomana ihany angamba fa ao no mety manana betsaka, ao ny eo ho eo ihany. Misy ny mety nanana sy manana ny azy madiodio, azo tamin’ny rariny toy ny ny mpanefoefo efa tany amin’ny taona 80-90 izay vao lasa mpitondra fa ao ireo tao anaty fitondrana tato anatin’ny 10 taona no nanangom-bola sy harena mihoapampana. Fa ny mampiavaka azy ity dia hifampitsara eo ny naongana sy ny nanongana ! ??

Toky R