Edito

Hitsoahan’ny akama

Edito
Alatsinainy 04 Septambra 2017

Manakory Jean ! Dia ataonao ahoana koa izao ilay bandy akamanao iray asain’olona mifaninana aminao iny indray ? Toa tena mihamihataka aminao daholo anie izany akama izany e !

Ianao anefa ity nanary ny teo an-tanana koa ! Dia mbola hanidy ny varavaranao tsy hisokatra ho an’ilay ranamana iny intsony koa izany ianao izao ? Sao dia mba tokony hosainina ihany aloha ny tokony hatao e e ? Ny sambo efa ho rendrika ka ndrao tsy misy eo intsony na dia ny hamonjy amin’ny andro farany aza. Andron’ny fampihavanana ho aho izao mantsy anao na tianao io na tsy tianao. Ianao no mbola te hametraka an’izay rafitra izay eo ka sao dia hafa ny tenenin’ny vava dia hafa anefa ny atao dia mihodinkodina eto foana isika. Ho lasibatra toy izay efa nandalo rehetra teo koa anie ianareo raha tsy manova paika e e !

Marco