Edito

Hampiadiana sa hampihavanina ?

Edito
Sabotsy 19 Aogositra 2017

Rehefa manaraka tsara ny toe-draharaham-pirenena ankehitriny, indrindra fa ny tontolo politika iainana amin’izao fotoana izao dia sarotra ny tsy

hahita fa toa feno endrika fifampihatsarana ivelatsihy sy fifehezana kibay an-kelika hatrany ny fifandraisan’ireo hery politika mijoro na ny manohana ny fitondrana io na manohitra. Toa fifandrangitana lava no hita eto Antananarivo ka hatrany amin’ny faritra ary ny heno dia hoe olobe ao anaty governemanta mihitsy no mandray fanapahan-kevitra maniraka izay eo ambany fifehezany hamoaka baiko miteraka fifandirana, eny ahiana ho fifandrafiana mihitsy aza, eo amin’ny fitondrana mijoro sy ireo tsy mitovy hevitra aminy. Ho sahirana dia ho sahirana raha ny fahitana azy dieny izao sahady ireo ho lany handrafitra ilay komity hisahana ny fampihavanam-pirenena raha ho fampihavanana tena izy tokoa moa no hataon’izy ireo fa tsy sarintsariny. Hampiadiana ve isika sa hampihavanina ?

J. Mirija