Edito

Hamorona asa sa mpiasa ?

Edito
Talata 12 Septambra 2017

Ny tontolon’ny asa eto amintsika indray no nezahan’ny filoham-pirenena novoizina tamin’ny alalan’ilay fandaharany manokana amin’ny haino aman-jery tamin’ity herinandro ity.

Tanora 400.000 ka hatramin’ny 500.000 isa isan-taona raha ny tarehimarika nomen’ny Birao Iraisam-pirenena momba ny asa no miditra amin’ny sehatry ny asa eto amintsika, hoy izy. Sehatra tsy ara-dalàna avokoa anefa no hiasan’ny 70%-n’ireo mahita asa ary ny 15% izay tafiditra amin’ny sehatra ara-dalàna sy marin-toerana dia an-taonany maro vao tonga amin’izay. Mampahatsiahy ny nambaran’ny mpikaroka iray vao tsy ela izay nilaza fa manomboka maka toerana eto ny vahiny ny nanononan’ny filoham-pirenena manokana fa ny 48%-n’ny orinasa vahiny no manome asa. Toa midika an-kolaka io fa ilaintsika ny vahiny ka tsy tokony hokitihina. Niakatra isan-taona ny isan’ny orinasa tafajoro teto saingy mitombina ve ny filazana fa betsaka ny asa hoforonin’izy ireny raha toa ka tsy manana fahafahana hamefy tsy izaran’ireny orinasa ireny karama varimasaka amin’ny mpiasany, ohatra, ny fitondram-panjakana ? Tsy vao taona vitsy ve izany no nitranga tamina orinasa afaka haba iray ? Hitondra any amin’ny lalantsaim-pamoronana tokoa ve ny fotodrafitrasa haorina ankehitriny sy ny lalam-piofanana misy sa hamolavola ho mpiasam-bazaha ? Asa no hoforonina sa mpiasa ?

J. Mirija