Edito

Halavirin� ezaka

Edito
Talata 25 Oktobra 2016

Milaza azy ho efa miezaka ny hametraka amin�ny toerany ny teny Malagasy avokoa izay nanontaniana tetsy Analakely, io omaly io, tao anatin�ny fankalazana ny herinandron�ny fikambanana mpiangaly haisoratra iray.

Nisy ny nanakiana mafy ny fanjakazakan’ny teny Frantsay ao anatin’ny taratasim-panjakana isan-karazany, toy ny lalàna sy ireo fehezan-dalàna isan-karazany, izay heverina fa ain-dehibe ny firenena iray. Tsy mahagaga moa raha manara-drenirano io fomba fanao manjanan-tsaina, araka ny filazan’ireto mpitsikera io, ireo sehatra tsy miankina satria ny mpitari-bato mihitsy no efa mivilam-bava. Gaga, hoy ny jeneraly iray, ny olona voampanga fa tamin’ny tenyMala gasy no nanadihadiana azy kanefa avy eo mivoaka ny didim-pitsarana dia teny Frantsay tsy misy zava-pantany no henony. Menatr’olona ny tenako, hoy izy, raha voahoraka fa nilaza hoe : telo ny tenim-pirenena ofisisaly ao anatin’ny lalàm-panorenanay dia ny Frantsay sy Anglisy ary Malagasy. Tenim-pirenen’olona ve, hoy izy ireo, no anareo ? Raha mbola ny tenim-panjanahana foana no indraindrainareo dia ho voazanaka mandrakizay ianareo. Ny tenim-pirenen’ny mpanjanaka anay, hoy izy ireo, no nialanay voalohany ka nahatonga anay handroso tahaka izao. Mbola lavitr’ezaka tokoa ve ny fanomezan-danja ny tenim-pirenentsika ao anaty taratasim-panjakana sa… halavirin’ezaka?

Faralahimatoa