Edito

Hafahafa

Edito
Alarobia 29 Jolay 2015

Olana tsy mbola voavaha hatramin�izao ny an�ny mpiasan�ny fananan-tany, dia io fa miampy ny an�ny mpampianatra mpikaroka eny amin�ny oniversite indray.

Tsy manaiky ny vahaolana peta-toko naroson’ny fanjakana ny Seces ka hanamafy ny fitokonany, tandindomin-doza noho izany ny fanadinana bakalorea sy ny taom-pianarana eny amin’ny anjerimanontolo.Mahoraka be ny resaka hala-bato ary voatonona ho tompon’antoka amin’izany ny antokon’ny fitondrana, ireo mpitondra moa dia efa tsy misy menatra intsony nampiasa ny fahefam-panjakana hanaovana fampielezan-kevitra ; nampandeferina mihitsy aloha ny fitantanana ny firenena, tsy nisy ny fivorian’ny governemanta efa ho roa herinandro mahery izao ; tsy maintsy mandresy hono ny HVM, asa ….mety izany angamba no antony namoronana kaominina vaovao 149 satria raha ny hita sy tsapa ary re amin’ny resaky ny olona aloha dia sarotra ho an’ity antokon’ny fitondrana ity ny hahazo ny maro an’isa amin’io fifidianana kaominaly io e !Saingy eto Madagasikara moa hafahafa izay ihany ka ao anatin’ny indray mipi-maso monja dia mety hivadika fotsy ny mainty.

RTT