Edito

Gaboraraka foana ve ?

Edito
Alakamisy 25 Aogositra 2016

Ilaina ny fandaminana ny tan�na izay antoky ny fampandrosoana ny Renivohitra. Tsy mety tapitra anefa ny olana mikasika izany noho ny zava-miseho isan�andro. Nitokona indray omaly ny mpivarotra amoron-dalana etsy Analakely.

Raha ny zava-misy dia sady tsy te hosaziana no tsy te hanara-dalàna ireo mpivarotra. Misy ny finiavan’ny mpitantana ny tanàna hampiditra azy ireo amin’ny sehatra ara-dalàna toy ny famindrana azy etsy amin’ny Kianjan’Ambohijatovo saingy isika Malagasy angamba no efa zatra miaina ao anaty gaboraraka. Rehefa tsy mandray andraikitra ny mpitondra dia voakiana, mandray ny andraikitra tandrify azy manao fandaminana lazaina fa manao didy jadona. Raha samy hanohitra fandaminana ny fiarahamonina dia ho aiza no hiafaran’ity firenena ity ? Ho aiza ireo mpivarotra amoron-dalana raha andeha hirohotra eny Analakely ihany koa ny hafa toy ny mpitatitra sy ny mpitondra fiara ary koa ny mpianatra izay mibaby ny voka-dratsin’ny varotra amoron-dalana, amin’ny fitohanan’ny fifamoivoizana sy ny tabataban’izy ireny isan’andro ? Ilaina ny fahatongavan-tsain’ny tsirairay !

Toky R.