Edito

Gaboraraka

Edito
Talata 27 Janoary 2015

Voarafitra indray iny ny governemanta faharoan�ny repoblika fahefatra rehefa tsy nahomby ny notarihin�ny praiminisitra Kolo Roger. Ny 22 tamin�ny 30 no mbola voatana tamin�ny naha minisitra azy, ny sasany nikisaka fotsiny.

Raha dinihina, gaboraraka ny fisafidianana satria ny lohany fotsiny no nesorina. Ireo nampidirina koa namana ny ankamaroany. Ny sondro-bidin’ny entana ilaina koa samy manao izay tiany hatao amin’ny mpanjifa ny mpivarotra. Tena gaboraraka tanteraka ny ataon’ny fitaterana sy ireo mpamily sy ny mpanampiny amin’ny kalitaon’ny fiara sy ny saran-dalana. Ny vava ratsy sy avonavona amin’izany henoina fotsiny. Ny fitohanan’ny fiara koa no tena antony goavana. Lalana 500m no sandaina 200Ar. Aiza ny polisy misahana ny fifamoivoizana ? Ny jirama moa tsy lazaina intsony. Tsy misy fitsaharany ny menomenon’ny mpiara-belona amin’ny haino aman-jery isan-karazany fa ny gaboraraka ataony ihany no ataony. Ny eny amin’ny antenimieram-pirenena izay voalaza fa voafidin’ny vahoaka moa dia maneho ohatra ratsy amin’ny maha gaboraraka azy dia ny fitiavan-tena sy vola ary namana fotsiny. Mandroso amin’ny fihemorana isika raha izany no izy. Gaboraraka e !