Edito

Partagé sur :
• facebook

Maro ny olana sendrain’ny mpandraharahan’ny fonja ankehitriny. Teboka telo ao anatin’izany ny fotodrafitrasa, ny fitaovana toy ny fiara ary ny tsy fahampian’ny isan’ny mpiandry fonja izay olona iray miandraikitra voafonja 5 araka ny fenitra iraisam-pirenena. Ho an’ny fonjaben’i Toliara manonkana izay itovizany amin’ireo fonja manerana ny nosy, dia mila fanavaozana ny ao Bazaribe, satria efa antitra tsy manara-penitra intsony......

Ny taona 1959 no nisy fanarenana farany, fa asa vonjy tavan’andro no natao indraindray. Olana faharoa ihany koa mampitaintain-dava ny vahoaka ny fisian’ity fonja antitra ity afovoan-tanàna, nefa ao no mitoby ireo mpanao heloka bevava sy mpamerin-keloka nania teo anivon’ny fiarahamonina.

Tsy manara-penitra intsony

 «Efa feno tanteraka ny fonjan’i Toliara ary tsy maharaka ny toeram-pamonjana intsony ny isan’ny voafonja ao, raha 400 no zakany, 775 no tazonina ao ankehitriny, ka 23 amin’ireo vehivavy ary 10 ankizy tsy ampy taona», hoy ny fanazavan-dRabialahy Hajanirina, «éducateur spécialisé». Nambaran’ity mpandraharahan’ny fonja ity, fa 45%-n’ireo voafonja tazomina dia voarohirohy sy voaheloka noho ny halatra omby avokoa. Ny hala-botry kosa no hidirana ao Toliara tampon-tanàna ny fonja ary betsaka ny mamerin-keloka. Raha ny fanazavana hatrany, tao anatin’ny roa herinandro dia ny mpangalatra «cyclo-pousse» ankamaroan’ireo miditra ny fonjaben’i Toliara.

Tia Tanindrazana

Samia mijoro ho an'i Gasikara.