Edito

Fombafomba fotsiny ihany

Edito
Alakamisy 30 Jolay 2015

Hafa dia hafa ny fandraisan�ny olom-pirenena Malagasy ity fifidianana kaominaly 2015 ity. Mihevitra ny ampahany betsaka amin�izy ireo fa tena manan-danja amin�ny ho fizotran�ny raharaham-pirenena izay

tsy mbola milamina tanteraka ny ho vokatr’io fifidianana ben’ny tanàna miaraka amin’ireo mpanolontsaina rahampitso zoma 31 jolay io. Vonona ny handray andraikitra rahateo ny Malagasy feno taona rehetra hanatontosa ity adidy masina ialàna amin’ny fahasahiranana amin’ny fiainana an-davanandro mianjady amin’izy ireo ity. Fombafomba fotsiny ihany iny fampielezan-kevitra iny, araka ny hevitry ny ankamaroan’ny olom-pirenena eto an-drenivohitra. Efa samy mahafantatra izay ho kandida ben’ny tanàna hofidiany moa ireo olona manan-jo handatsa-bato taorian’ny propagandy 15 andro fandresehan-dahatra nataon’ireo mpifaninana eo amin’izany toerana mpitarika ny fiaraha-monina eny ifotony izany. Fanirian’izy ireo kosa ny tena hivoahan’ny voka-pifidianana marina manoloana ireo siosion-dresaka maro samihafa amin’ny mety hisian’ny hala-bato.

Ramano F.