Edito

Fitantanana ny firenena Mila mahalala ny lalan-kizorany ny mpitondra

Edito
Alakamisy 18 Desambra 2014

Tsy hitera-bokatsoa ho an�ny fiarahamonina ny fambolena korontana eto Madagasikara. Azo vahana izany amin�ny alalan�ny fifampiresahana manoloana ny tsy fitovian-kevitra na koa ny fahasamihafan�ny fomba fijery amin�ny fitantanana firenena ka tsy maintsy atao laharam-pahamehana hisorohana ny fitsaboana aorian�ny fahafatesana, araka ny hevi-dRamanantsoa Randriamifidimanana

Dingana lehibe no efa vita taorian’ny fifidianana filoham-pirenena sy ireo solombavambahoakan’i Madagasikara tamin’ity taona 2014 ity saingy mbola sakana tsy ahafahantsika mandroso foana hatramin’izao ny olana ara-politika noho ny hambom-po diso toerana. Lasa faralahin-draharaha eto amin’ny firenena hatrany ny sehatry ny toekarena izay tokony hitana ny toerana voalohany amin’ny lafiny fampandrosoana, hoy ny filohan’ny Fivondronan’ny Mpandraharaha Malagasy. Tsy fotoanan’ny tsikera na fanehoan-kevitra momba ny Tetibolam-panjakana 2015 intsony koa izao, araka ny fanampim-panazavany. Mbola ho avy rahateo ny fotoana hanaovana fanitsiana ireo lalàna tsy mifanaraka amin’ny zava-misy. Tsara hotsindriana kosa ny fahafantaran’ny mpitondra ny lalan-kizorany amin’ny fitantanana ny firenena, hoy ihany ny prezidan’ny Fiv.Mpa.Ma.