Edito

Fihatsarambelatsihy ?

Edito
Zoma 24 Aprily 2015

Matoam-baovao eto amintsika ankehitriny ny fampihavanam-pirenena tarihin�ny FFKM izay natomboka tamin�ireo filoham-panjakana 5 mirahalahy.

Mandringa ihany anefa ny fizotrany satria tsy voahaja ny zon’olombelona eto Madagasikara. Tranga iray mampiseho izany ny tsy fahafahan’ny filoha teo aloha Ravalomanana Marc mifampikasoka mivantana amin’ny olona sy maneho hevitra ampahibemaso momba ny raharaham-pirenena, mbola sakanana tsy hitsidika ny orinasany ihany koa izy. Fa lasa fahotana ve izany ny milaza ny zava-misy sy miaro ny mpiray tanindrazana manoloana ny tsy rariny mianjady amin’ny vahoaka Malagasy ? Tsy mijanona amin’ny fanampenam-bava fotsiny ny mpitondra fanjakana fa mampiasa mpitandro ny filaminana mihitsy. Vokatra inona moa izany no andrasana amin’ny fampihavanam-pirenena fihatsarambelatsihy raha tsy mahazo miteny sy mandroso vahaolana, ohatra, ny filoham-pirenena iray teo aloha, na ferana amin’ny fihetsiny sy ny teniny ?

Ramano F.