Edito

Fihantsiana lava

Edito
Alarobia 31 Aogositra 2016

Miharihary ny endri-pamoretana eto amin�ny firenena ankehitriny. Ny mpanao gazety mantsy dia fehezina amin�ny alalan�ilay lal�na nolaniana bodongerona hanakanana ny fanehoan-kevitra malalaka.

Ho avy ihany koa ny anjaran’ny mpandraharaha amin’ny alalan’ilay lalàna momba ny heloka ara-ketra sy ara-toekarena. Ny mpanohitra moa raha vao mihetsika dia efa miatrana ny mpitandro filaminana hanakana sy handrava izany. Raha fampitoniana ny toe-draharaha mafampana no tokony hataon’ny mpitondra dia ny mifanohitra amin’izany ny zava-misy. Tsy misy fitakiana na fangatahana hahazoam-baliny toy ny an’ny mpanao gazety izay tsy noraharahaina hatramin’ny farany. Efa antomotra ny fotoana handraisan’i Madagasikara ny frankofonia izay hiadian’ny fanjakana fo mafy ny hahatanteraka azy. Takiana voalohany ny fisian’ny fitoniana raha tiana ny handray io fihaonana io. Ny mpitondra mihitsy anefa no mamosavy tena mamboly korontana amin’ny alalan’ny teritery sy famoretana. Vao mainka hahazo vahana anefa ny hetsika isan-karazany eto amin’ny firenena. Ho famoretana sy fihantsiana foana ve no ho valin-kafatra avy amin’ny mpitondra sa mba hanova paikady amin’izay ?

Toky R.