Edito

Fifidianana sy ny miralenta Nandefa solontena niofana any Dakar ny CENI

Edito
Talata 26 Jolay 2011

Misokatra anio any Dakar renivohitr�i S�n�gal ny atrikasa iraisam-pirenena momba ny fandraharahana ny fifidianana sy ny miralenta izay andraisan�ny firenena afrikanina rehetra anjara.

Manana solontena any ihany koa ny CENI amin’ny alalan’ny filoha lefiny, Ramampy Marie Gisèle. Fanamafisana ny fandraisana anjaran’ny vehivavy amin’ny fikarakarana ny raharaham-pifidianana sy ny fampirisihana koa ny firotsahan’ny andriambavilanitra amin’ny raharaha ara-politika sy ara-pitantanana no ifantohan’ny dinika izay maharitra efatra andro. Ho antsika Malagasy manokana dia anisan’ny sehatra mampazoto ny vehivavy, indrindra fa eto an-drenivohitra ny fanomanana ny fifidianana na dia mbola lavitry ny tanjona tian-ko tratrarina aza. Raha ny miralenta tanteraka izany hoe 50% avy ny isan’ny lahy sy ny vavy mikarakara ny raharaham-pifidianana no andrandraina eo amin’ny sehatra afrikanina dia 29% ny eto Madagasikara araka ny nambaran-dRtoa Ramampy Marie Gisèle. Andriambavilanitra ny 15.716 amin’ireo mpiasa miisa 54.195 manerana ny nosy izay mifanome tanana amin’ny fanomanana ny fifidianana ho avy. Raha eo anivon’ny CENI foibe indray dia 4 mirahavavy no manampy azy 12 mirahalahy.

Yves