Edito

Fifanarahana vaovao

Edito
Talata 16 Jona 2015

Mirona tsimoramora any amin�ny fifampiresahan�ny filoham-pirenena sy ny depiote ny resaka fandaminana ny savorovoro politika eto amintsika satroa miantso an�io avokoa ny rehetra,afa-tsy ireo izay efa tena manana tanjona hafa mihitsy.Na ny FFM izay natory hatramin�izay aza dia mihetsiketsika fatratra ny amin�ny hanatanterahana izany ankehitriny.

Manohana an’io koa ny fianakaviambe iraisam-pirenena ;re fa ho tanterahana tsy ho ela izy io.Na izany aza anefa dia sarotra ny hamantatra mazava ny mety hitranga marina satria tena tompon-daka amin’ny fivadibadihana ny mpanao politika malagasy, ka na misy zavatra nekeny sy nosiniaviny izao aza mety hivadihany amin’ny minitra farany.Efa manangasanga noho izany ny fisian’ny fifanarahana politika iray hafa indray, ka asa hoe iza avy indray no hanasonia azy io, ary hanao ahoana ny fanatanterahana azy.Tsy hita tabilao indray aloha ao anatin’izany rehetra izany ilay fehin-kevitry ny dinika ho amin’ny fampihavanam-pirenena teny Ivato, fehin-kevitra izay tombanan’ny mpanara-baovao politika fa ho adino tanteraka vantany vao misy ny fifampiresahan’ny filohan’ny repoblika amin’ny depiote satria ny zavatra hivoaka avy amin’izay no hifanarahana fa ho tanerahana ary ao anatin’ny fotoana faran’izay haingana azo atao.

RTT