Edito

Fepetra mitondra mankaiza ?

Edito
Talata 14 Febroary 2017

Efa ela ny nahenoana fa mandray fepetra ny mpitondra fanjakana. Ny zava-misy iainana eto amin�ny firenena hatramin�izao anefa dia miha very fanahy mbola velona ny mpiray tanindrazana.

Nilaza ho efa naharay ny fitarainan’ny vahoakany sy naheno ny hetahetan’izy ireo ny ankamaroan’ireo mpitondra, indrindra tao anatin’ireo kabary firariantsoa nifanesisesy ho an’izao taona vaovao izao. Isaky ny mihetsika anefa dia lazaina ho efa manangasanga hatrany ny vahaolana. 3 taona lasa izay no nahenoana fa 3 volana dia ho afaka ny delestazy. Vao tamin’ny herinandro teo anefa ny filoham-pirenena vao nilaza indray fa efa misy ny fepetra raisina manoloana ny fahasahiranana mampikaikaika vahoaka nampanantenaina hivaha vetivety tamin’ny 3 taona lasa ity. Inona foana ary mitondra mankaiza ary izao fepetra voalaza ho noraisina izao ? Sao sanatria fepetra hanamafy ny fasahiranana ? Na delestazy na vidim-bary na hain-tany mantsy izao dia nahazo faka manerana ny nosy.

Mirija