Edito

Partagé sur :
• facebook

Teny nomen’ny filoham-pirenena ny hanadiovana ireo karazana fanondranana harem-pirenena an-tsokosoko tamin’ny kabary voalohany nataony ny 25 janoary 2014. Tsy hita taratra anefa hatramin’izao ny fanjakana tan-dalàna nampanantenain’ny filoha ........

Rajaonarimampianina Hery, hoy ny fivoriamben’ny Alliance Voahary Gasy izay nanavao ireo mpikambana vaovao 7 mandrafitra ny Filan-kevi-pitantanana hiasa mandritra ny 2 taona manaraka ka Atoa Ndranto Razakamanarina no filoha mitarika azy.  Notsindrian’ireo fikambanana fiarahamonim-pirenena 26 amin’ny 29 nanatrika ny fihaonana fanao isan-taona ny tsy fisian’ny fampiharana tena izy ny lalàna velona misy eto amin’ny firenena. Ankoatra ny tsy fahasahian’ny mpitondra mandray andraikitra moa dia misy tombontsoa mifaningotra ao anatin’ireo raharaha fanondranana an-tsokosoko ireo harem-pirenena, raha ny fahitan’ireo mpikambana ao amin’ny AVG azy. Nandefa hafatra ho an’ny filohan’ny Repoblika dia ny famerenana amin’ny laoniny ny fitantanana ny tontolo iainana amin’ny alalan’ny fandraisana anjaran’ny fiarahamonim-pirenena amin’ny fanapahan-kevitra raisina momba ity sehatra goavana ity ny fivoriamben’ny Alliance Voahary Gasy. Momba ny fanafoanana ny «comité de pilotage» ka nananganana ny «comité inter-ministériel» indray dia porofo iray tsy hivoahan’ny mangarahara izany satria lasa raharahan-tokantranon’ny mpitondra irery sisa ny ao, araka ny fijerin’ireo mpikambana azy. Mankalaza ny faha-5 taona nijoroany moa ankehitriny ny Alliance Voahary Gasy izay niorina ny volana novambra 2009.

Tia Tanindrazana

Samia mijoro ho an'i Gasikara.