Edito

Fanjakana miala aina !

Edito
Zoma 31 Martsa 2017

Roso mankany amin�ny fitakiana ny demokrasia isika izao. Hatreto, resabe no nataon�ireo mpitondra fa tsy mba nisy ny fahalalahana, indrindra fa tamin�ity fitondrana ity.

Izay miteny dia amoahana didy fampisamborana sy gadraina. Ny fahalalahan’ny fampahalalam-baovao moa dia nofy tanteraka. Natao an-terisetra ny lalàna izay miendrika fanakantsakanana ny fanehoan-kevitra sy ny fampahalalam-baovao. Giazana ho an’ny mpitondra samirery ny radio sy ny televizionim-panjakana. Afaka manangana orinasan-tserasera handokafana ny mpitondra avokoa izay manana vola azo ampiasaina amin’izany. Ny hafa kosa anaovana antsojay sy sakanana ka eny an-kianja sisa no hifampitana vaovao noho ny didin’ny be sandry tsy mahazaka fifaninanana ka jamban’ny tahotra ny ho takona sy tsy hisy mpanaraka ara-poto-kevitra. Fa fanjakana inona loatra ity mihevi-tena tsy ho tratry ny aloka ity e ? Raha mahatoky tena dia mamela malalaka ny rehetra. Sao dia fanjakana miala aina ?

Toky R