Edito

Fanendrena ny praiminisitra Andrasana ny hevitry ny HCC

Edito
Alarobia 28 Janoary 2015

Mbola eo am-pandinihana tanteraka ny antontan-taratasy avy amina andiana depiote mangataka ny hanamarinana ny maha ara-dal�na na tsia ny fanendrena ny praiminisitra ny fitsarana avo momba ny lal�mpanorenana (HCC) amin�izao fotoana. Ireo olom-boafidy miaraka amin�ny Mapar (elatra Rajoelina) moa ireto nametraka

taratasy fitarainana ireto. Ho azy ireo mantsy dia tsy araka ny lalàna ary tena mandika mihitsy ny andininy faha-54 ao amin’ny lalàmpanorenana ny nisafidianana sy nanendrena ny praiminisitra Jean Ravelonarivo. Mampiady hevitra be ilay hoe maro an’isa eny amin’ny antenimieram-pirenena, satria na ny vondrona PMP, na ny Mapar dia samy milaza fa manana ny maro an’isa. Ny alahady teo dia efa nilaza ny filoham-pirenena fa andao hifanisa, dia ho hita eo hoe iza marina no tena manana ny maro an’isa eny amin’ny antenimieram-pirenena. Andrasana fatratra tahaka izany ny fanapahan-kevitry ny HCC, na hanamarina na handiso ny fanendrena ny praiminisitra.