Edito

Fanaparam-pahefana

Edito
Alakamisy 25 Febroary 2016

Mitombo isa hatrany ireo olona ambony na fianakaviana manampahefana voatonontonona anatina afera maizina eto amintsika.

Ny tena maha valalanina dia tsy miafina fa tena sahy miseho vahoaka izy ireo, miaraka amin’ny mpitandro ny filaminana mirongo basy. Tsy mbola fantatra mazava aloha raha tena mpitandro ny filaminana marina na olona nampanaovina akanjona mpitandro ny filaminana ary nomena basy. Velon-taraina ny Malagasy any ambanivohitra any, indrindra fa any amin’ireo toerana voalaza fa misy harena ankibon’ny tany fa manjakazaka any ny manampahefana. Tsy hitan’ireo vahoaka intsony izay atao. Manafika sy mandroba ny dahalo, manao ny ataony ny teratany vahiny mpitrandraka, mbola misy malagasy mpanambola sy milaza fa manampahefana koa manindry ny madinika. Efa fanjakan’i Baroa hanjakan’ny gaboraraka sy ny kolikoly no misy eto, fisehosehoana ivelany sy kabary tsara lahatra fotsiny no atao, fa efa hafa ny zavatra ketrehana. Io no mahatonga ny olona sasany tafajanona foana ao anaty rafi-pitondrana na dia efa hita izao aza fa tsy mahavita azy. Misy kopaka isasahana tsinona ao ka raha vao ailika ny iray dia mety hamoaka tsiambaratelo. Fanambakana sy fanaparam-pahefana tsy misy tahaka izany intsony e !

RTT