Edito

Fanahy iniana

Edito
Alakamisy 16 Febroary 2017

Efa an-taonany maro no niandrandran�ireo vahoaka nifandimby teto amin�ny firenena fandrosoana.

Samy nampanantena sy nahay nikabary daholo ireo mpitondra nifanesy fa azo atao tokoa ny mampandroso ny firenena ao anatin’ny fotoana vetivety. Rehefa tonga ao anaty fitondrana tokoa anefa izy ireo dia misy andian’olona mpanohana mampirisika hilaza matetika fa mbola mila ezaka be an-taonany maro mihitsy vao azo atao ny mampandroso ity firenena ity. Misy ny milaza fa mbola mila hampianarina hay tarika (leadership) 7 na 8 taona eo ho eo ireo te hitondra sy mpanao politika mba hisian’ny fampandrosoana afaka 20 na 25 taona. Teo anelanelan’ny taona 2002 ka hatramin’ny taona 2009 anefa dia efa voaporofo fa azo natao tsara ny nampandroso tao anaty taona fohy satria dia niha nivoatra isan-taona ny faripianan’ny vahoaka, raha ny tarehimarika nomen’ny firenena mikambana. Mbola porofo ahafahana maneho fa misy ihany koa ny vahaolana vetivety ahafahana mivoaka amin’ny fahantrana ny fivahan’ny olan’ny delestazy tao anatin’ny fotoana fohy rehefa naneho ny hatezerany ny mponina. Tsy finiavana, araka izany, no tsy mampandroso antsika fa efa fanahy iniana mihitsy.

Mirija