Edito

Fahotana mahafaty

Edito
Sabotsy 09 Jolay 2016

Hoy ny fomba fitenintsika Malagasy izay hoe : � naniry zaza ka tera-dahy �. Izany mihitsy no manjo ny fitondram-panjakana ankehitriny taorian�ny amboletra nampandaniana ilay � lal�na Andrianjato � ;

tsy fiarovan-tena be fahatany ny an’ny mpanao gazety na fitiavana hanakiana ny mpitondra na fanambonin-tena sanatria fa tenamisy zavatra tsy milamina ao anatin’ilay lalàna mifehy ny serasera. Namitaka ny fitondram-panjakana, satria efa nisy ny zavatra nifanekena, nandritra izao fitondrana Rajaonarimampianina izao ihany, fony Reboza Cyril minisitry ny serasera, saingy novaina tanteraka izany dia nanaovana pasoka daomy ambany latabatra dia io lany tamin’ny misasak’alin’ny alakamisy io raha samy variana nijery Euro ny rehetra. Nanomboka nivoaka omaly ny fanambarana avy eto an-toerana sy avy any ivelany manameloka ity andalana nataon’ny governemanta sy ny depiote marivo salosana miampy mpikarama an’ady ity. Tsy maika nandany an’io raha olona tena mandinika tsara ny soa iombonana sy ny ho avin’ny firenena marina, fa asa hoe iza sa inona no mibaiko ireto amahana depiote milaza azy fa maro an’isa eny Tsimbazaza ireto. Fahotana mahafaty ho an’ny mpitondra izany mamaky ady amin’ny mpanao gazety sy ny tontolon’ny serasera izany fa dia asa mihitsy izay tena tao an-tsain’ny sasany. Ny aina no matezà fa diavolan-ko lava, ny lalao mbola ho ela e !

RTT