Edito

Efa dodona !

Edito
Talata 07 Martsa 2017

Ekena fa tsy mifanaraka amin�ny toetrandro intsony ny rafi-pitantanana misy eto amintsika ankehitriny.

Tsy lavina fa ala tahaka be fahatany amin’ny rafitra frantsay izany ary mitombina ny fanamarihan’ireo milaza fa na ny lalàmpanorenana eto aza dia manahaka ny an’ny renimalala ihany koa. Nanana fotoana lava be anefa na ireo mpanao politika na ireo rehetra izay milaza azy ho mpandinika ny raharaham-pirenena nitakiana faran’izay zokiny ny hametrahana rafitra vaovao. Naninona no tsy natao mafy ny fitakiana tao anatin’izay fotoana lavabe izay fa ankehitriny rehefa antomotra ny 2018 vao lasa mivoaka ilay voambolana hoe ilaina ny manova rafitra. Moramora angaha izany ? Tsy toy ny milaza an-kolaka ve io hoe aleo aloha hanitatra ny fe-potoam-piasany ny fitondrana izay nahatonga ny 93%-n’ny malagasy hiaina anaty fahantrana ankehitriny. Hita fa efa dodona hiala amin’ny fahantrana ny malagasy ka ny vahaolana akaiky indrindra aloha dia ny hamerina ny olona afaka nanena io taham-pahantrana navoakan’ny PNUD io amin’ny toerany.

Mirija