Edito

Edito Sisa tsy rava

Edito
Alatsinainy 13 Martsa 2017

Ela nitolona isika hahazo ny fahafahana sy fahaleovantena. Hotsaroana ato ho ato ny faha-70 taonan�ny 29 martsa 1947

. Ny mampalahelo anefa, hatramin’izao dia mbola miteraka adihevitra foana rehefa tonga io tsingerin-taona io hoe fankalazana no tokony hatao sa fahatsiarovana ? Miara-manaiky kosa anefa ny rehetra fa tsy nitondra voka-tsoa ho an’ny fampandrosoam-pirenena ny tamin’ny martsa 1947. Rava ny fotodrafitrasa sy fotodrafitr’olona marobe kanefa dia ran’ny maritiora ana hetsiny no latsaka. Miha potika ny kolontsaina, mitotongana ny toekarena ary na ny fitantanana ny firenena aza tsy mandeha amin’ny laoniny. Ny fahapotehana nateraky ny rivodoza nifanesy moa tsy lazaina intsony fa dia zary manarina izay azo harenina sisa no fandaharan’asan’ny mpitondra. Enga anie tsy ho rava ny fanantenan’ny olom-pirenena fa mba ho sisa tsy rava kosa.

Mirija