Edito

Edito Entin’ny tsy fahalalana !

Edito
Zoma 23 Aogositra 2019

Tsy misy izany krizin’angovo sy hanoanana ary tontolo iainana izany fa ny krizin’ny tsy fahalalana no tena manjaka eto amin’izao tontolo izao, hoy manampahaizana iray.

Rehefa dinihina, tsy amin’ireo lafin-javatrab ireo ihany no mitombina io fa amin’ny fiainam-pirenentsika iray manontolo mihitsy. Tsy mahagaga raha hatramin’izao dia mbola maro hatrany ireo miantso ny vahoaka Malagasy ho valalabemandry. Vahoaka ihany koa, hoy ilay mpamakafaka iray izay, satria mbola misy “vahoa” tsy afaka aminy mandrak’androany. Io izao teo aloha teo niteraka adihevitra ny fahalanian’ny filohan’ny antenimieram-pirenena tamin’ny salan’isa 100% dia samy avo vava daholo izay nanana fahafahana hanao izany. Tetsy an-kilany anefa, sarona ilay teny volamena atao hoe IEM. Ankehitriny, lasa ny PGE izay tsy fantatra ny ilazana azy na praograma na politika ankapoben’ny fanjakana fa sarotra koa ny tsy hino fa tsy holalaovina maharitraritra ireo fiantso roa ireo ato ho ato. Dia samy ho rendrika eo indray isika mianakavy. Miteraka adihevitra amin’izao fotoana koa ny fahalanian’ny satan’ny fanoherana ary misy vondrona parlemantera manda azy. Mahalala ny antony ve isika sa entin’ny tsy fahalalana hatrany ?

J. Mirija