Edito

Diso paika

Edito
Alarobia 14 Septambra 2016

Raikitra indray ny fifanarahana sy fahazoana famatsiam-bola amin�ny fanatontosana ny fifidianana eto amintsika.

Toy ny efa fandre mahazatra dia mampanantena ezaka hanaovana izay hampangarahara ny fifidianana hatrany ireo mpikarakara. Ny zava-misy anefa hatreto dia miha maivana hatrany ny lentan’ny fifidianana niseho fa tsy mbola nahitana fivoarana. Paika fototra heverin’ny avy eo anivon’ny CENI fa tokony hatao laharam-pahamehana amin’ity ny fanabeazana ny olom-pirenena. Hosantarina any Toliara izy ity ny 1 desambra izao ary hotohanan’ny PNUD na fandaharan’ny firenena mikambana momba ny fampandrosoana. Raha ny fomba fampahafantarana tetsy Alarobia omaly, tsy niova ny fomba fiasa satria dia toy ny teny efa voarafitra an-taratasy sady teny frantsay avokoa no novakian’ny solontena roa tonta. Tafiditra ao anatin’ny resaka ve ny mponin’i Beraketa sy ny any ambany ravinkazo rehetra any ? Hanaraka ny fenitra iraisam-pirenena tsy nahomby ara-pampitan-kafatra hatramin’izay toy ny fanentanana amin’ny haino aman-jery sy dokambarotra foana ve ny CENI ? Sa mba hitety trano ? Mila tadidiana mantsy fa ny kolontsain’ny teny no tena maha gasy.

Mirija