Edito

Dama Mahaleo �Handova dezaka eto isika raha izao no mitohy�

Edito
Alakamisy 14 Jolay 2016

Mitohy hatrany ny hetsika samihafa ara-javakanto sy famelabelaran-kevitra hanasongadinan-dry Dama ao amin�ny tarika Mahaleo sy ny namany mikasika ny maha zava-dehibe ny valimbabena tokony hataon�ny olom-pirenena tsirairay avy amin�ity Madagasikara izay mamokatra sy manome vary sy laoka antsika isan�andro ity.

Omaly tolakandro dia nisy indray ny famelabelaran-kevitra nataony tao amin’ny fakiolten’ny teny aman-tsoratra sy ny siantsa mahaolona mikasika izany. Tsy nampahafantarina antsika hatramin’izay mihitsy sady nafenina, hoy izy, ny maha saro-pady sy manan-kasina ny tany izay mamelona sy manome aina antsika, hany ka diso ny vahaolana atolotra amin’ny resaka tsy fahampian-tsakafo ho an’ny any atsimo. Raha tokony hotezaina hikolo sy hampamokatra ny tany izy ireo dia toloran’ny malalatanana vatsy ara-tsakafo fotsiny. Raha izao ihany koa no mitohy, hoy hatrany izy, dia ho lasa “zone franche” faran’izay lehibe eto an-tany ity firenena ity satria mitady ho lasa mpanjifa fotsiny sisa isika fa tsy manan-tsaina hamokatra intsony ary dia ho lasa kolontsaina raiki-tampisaka ny hoe mitady asa fa tsy mba mamorona. Handova dezaka eto isika, hoy izy, namehy azy.

Mirija