Edito

Bemolanga

Edito
Talata 04 Aprily 2017

Miherina tokoa ny taona ary efa nitelina volana 3 sahady izy izay. In-4 nisondrotra sahady anefa ny vidin-tsolika izay iankinan�ny fampandehanam-piharian�ny sarambabem-bahoaka.

Talohan’ny taona 70 no efa nohirahiraina fa misy solitany tao Bemolanga kanefa dia nahatonga ireo mpanakanto tamin’ny fotoanandrony namoron-kira mihitsy koa ny farany hoe rahoviana ihany vao ho to ny fampanantenana nataon’ny mpitondra mikasika ireo tombontsoa hotovozin’ny firenena tamin’alalan’izany harena goavana ? Ankehitriny, repoblika miisa 4 no efa lasa, na ny hoe “tolona ho an’ny fahafahana” aza efa 70 taona sy andro vitsivitsy. Ny toe-draharaham-pirenena tsy misy fihatsarany araka ilay hira tamin’izany fotoana fa vao mainka voafahan-dalitra, hoy ny fitenenan’ny vahoaka ary miakatra ny vidim-piainany. “Rahoviana no hitranga i Bemolanga ?” no fanontaniana tamin’izany. Rahoviana kosa no hitranga ireo renirano mba efa natoro fa afaka mitondra angovo toa an-dry Vavalapasy sy Angodongodona ary Mahajiro ? Ireo harena an-dranomasina sy ankibon’ny tany be dia be izay ireo vahiny no avela hitrandraka malalaka azy ankehitriny no fanontaniana manampy izany amin’izao fotoana izao.

Mirija