Edito

Aza mifanadala kosa e !

Edito
Talata 04 Oktobra 2016

Maro be loatra ny sangodim-panina politika ka izay no mahatonga ny olona tsy hivaky loha firy intsony amin�ny raharaham-pirenena

.Tamin’ity repoblika faha-4 ity angamba no nisy fikasana hanongam-panjakana betsaka indrindra teto Madagasikara, satria dia milaza fa mahita izany foana ny mpitondra ka io no mahatonga ny miaramila mihidy an-dakazerina tahaka ny tamin’ny faran’ny herinandro teo.Inona moa no tsy amoahanana mazava sy mangaraharaha tsara ny anaran’ireo izay nikonokonona izany fanonganam-panjakana izany ? Avoahy ho fanta-bahoaka e; fa raha vaovao manjavozavo tahaka an’io dia teraka ho azy ilay resaka hoe : “sinema an-dry zareo samy mpitondra ihany io”.Nisy fanonganam-panjakana teto tamin’ny 2009 ary samy nahalala ny rehetra fa paikady goavam-be niarahana mpanao politika, ampahany tao amin’ny foloalindahy, mpandraharaha sy mpanambola ary olon-tsotra natao irakiraka nanomana no nahatanteraka an’iny fa tsy hoe ketrik’andian’olona 10 na 20 mivorivory etsy sy eroa.Ny mpanohitra rehetra dia efa samy nanambara fa tsy hanongam-panjakana, misy kosa ny mangataka nyfialan’ny filoha na ny fanaovana fifidianana mialoha ny fotoana; ny hita hatreto koa aloha dia mboa mahafehy ny foloalindahy ny fitondram-panjakana, ny vahoaka indray dia tena mbola variana miasa mafy mitady hanin-kohanina isan’andro.Ka iza ary ireo ambara fa mpanongam-panjakana ireo ?

RTT