Edito

Aza mifanadala

Edito
Alakamisy 05 Novambra 2015

Fanina tanteraka ny olon-tsotra ! Ho foana ihany ve sa tsia ny delestazy ? Toa nanamafy indray mantsy ny tale jeneralin�ny Jirama fa mbola misy ny delestazy na dia misy ambim-bava aza ny angovo vokatra hamatsiana an�Antananarivo sy ny manodidina.

Ny andrin-jiro mianjera sy ny andro ratsy vokatry ny vanim-potoan’ny fahavaratra indray eto no ambara fa mahatonga ny delestazy tsy latsaky ny ora 3 isan’andro amin’ny faritra maro eto Antananarivo. Maina ny andro lazaina fa tsy ampy ny tosiky ny rano, vita ny toeram-pamokarana dia misy olana ny famatsiana solika. Milamina indray ny solika dia ambara fa misy mianjera ny andrin-jiro. Hisy delestazy anie izany mandavan-taona e ! Fa tsy mba misy mihitsy ve izany ny fandraisana fepetra matotra sy ny fandrindran’asa fa miala an’Ankatso dia miditra an’Ambohidempona ? Ny minisitera sy ireo orinasa mety afaka mifanaraka amin’ny Jirama ihany amin’ny fandoavana ny faktiora fany olon-tsotra kosa dia azon’ny don-tandroka avy hatrany ka tsy maintsy manefa ny vidin-jiro sy rano tsy nolaniany akory satria mibontsina ny tarehimarika fa mameno ny banga ny Jirama. Ny halatra madinidinika tsy mamerim-bola rehefa mandoa faktiora amin’izany tsy resahana intsony. Sao dia mba hivadika zavatra hafa ihany ny farany ity resaka ity rehefa tofoka eo ny vahoaka e !

RTT