Edito

Aza mifamitaka kosa e !

Edito
Alakamisy 21 Jolay 2016

Tsy filam-baniny na resaka halako bika tsy tiako tarehy fa misy ny zavatra tsy maintsy tenenina rehefa tsy rariny sy tsy mety ho an�ny soa iombonana. Maimaika hampiantrano fivoriana iraisam-pirenena izao fitondrana izao, mitaky fanamboarana fotodrafitrasa goavana izany, rombahana aloha ny tanin�olona.

Rehefa tsy ampy indray ny vola eo am-pelatanana dia mivarotra tanindrazana ho takalon’ny asa fanamboaran-dalana sy fanorenana trano be. Zavatra efa hita fa hiteraka disadiam-piarahamonina ve dia mbola hirosoana ihany ? Etsy an-kilan’izay sahirana ny Malagasy tompon-tanindrazana amin’ny resaka tany kanefa dia ny vahiny no omena vahana hatrany hatrany. Sa izay ve no mody nanaovana ilay fanoratana fandovana tany maimaimpoana mandritra ny herintaona ho fanapena-maso ny Malagasy ? Fa inona intsony moa ny tany hosoratana eo rehefa alain’ny vahiny ambongadiny ilay izy e ? Tena ilaina mihitsy ny fiaraha-miasa amin’ny avy any ivelany fa tsy midika ho famerenana ny fanjanahana sy ny fanandevozana kosa izany e !

RTT