Edito

Avoahy ny marina !

Edito
Zoma 21 Oktobra 2016

Tsy hay intsony izay marina sy diso fa indraindray ara-dal�na, avy eo indray tsy ara-dal�na. Milaza indray ny minisitry ny tontolo iainana sy ny haivoary,

Ndahimananjara Johanitah ankehitriny fa tsy ara-dalàna ilay boaderozy tratra tany Singapour kanefa ny fanjakana Malagasy mihitsy no efa nilaza fa ara-dalàna izany ary ny filoha mihitsy no efa ninia nangina. Manohitra ny lehibeny sa tonga saina Rtoa minisitra ka nivonona hamoha ny tena marina momba io raharaha io ? Ho sahiny ve ny hanohitra ny lehibeny ka hampifoha ny raharaha efa niniana nampatoriana ? Fanontaniana mbola saro-baliana izany fa ny azo ambara aloha dia nahatsapa ny Malagasy fa niray tsikombakomba tamin’ny fanondranana ireo harem-pirenena ireo ny fitondrana matoa ninia nampangina ny raharaha. Mifamahofaho ny resaka taorian’ny fanambaran-dRtoa minisitra. Hanadio tena indray ve ka haka ny fon’ny Malagasy amin’ny filazana fa tsy mipetra-potsiny amin’ny fanaovana tantely afa-drakotra ny harem-pirenena ? Sa kosa lany ny paiso an-kady ka mitady ketrika mba hahazoana ireto hazo ireto havadika vola noho ny sinoa izay voalaza fa tsy mipotsaka intsony ? Ny mety hitranga ihany koa dia na voatsoka Rtoa minisitra na mipoaka ny afera. Avoahy ny marina dia aleo mifampitady eto fa leo ny vahoaka e !

Toky R.