Edito

Avia avia izay namako !

Edito
Talata 02 Martsa 2010

Totoafo ny dokambarotra miantso ny hery velona rehetra handray anjara amin�ny atrikasa teny ifampierana hatao eny amin�ny Centre de Conf�rence International Ivato ny alakamisy sy zoma ho avy izao.

Zava-dehibe io, hoy ny sasany ; tsy mbola nisy teto amin’ny firenena ity, hoy indray ny hafa manao izay hisarihana sy handresena lahatra ireo izay misalasala. Arakaraka ny anaovana ambentin-dresaka azy ity anefa no mampitombo ny fisalasalan’ny olona. Dia manao tamberina, fa raha nisy zavatra nihazakazahan’ny Fahefana Avon’ny Tetezamita raha vao vita ny “fanamasinana” teo amin’ny kianjaben’i Mahamasina ny sabotsy 21 martsa 2009, dia ny nandrava ny Antenimieram-pirenena sy ny Antenimierandoholona izay rafitra nisy solontenam-bahoaka nomeny fahefana hanao teny miera amin’ny mpanatanteraka.

Ary raha nifanarahana fa hajoro ny Kaongresin’ny tetezamita sy ny Filankevitra ambonin’ny tetezamita, hasolo ireo Antenimiera roa ireo, dia nitsivalana ny ankolafy Rajoelina, fa ny azy ihany no ampanjakaina. Ankehitriny dia miantso, mitanisa fisokafana ny mpitarika nefa ny mpomba avy etsy ambadika milaza fa tsy ilaina ny ankolafy telo, mety aza ny tsy handraisan’izy ireo anjara. Dia tonga amin’ny irian’izy ireo fa ho raharahan’ny mpianakavy ihany izy ity. Koa raha miantso i Andry Rajoelina, dia tokana ny tononkirany : avia avia izay namako !

Jean D