Edito

Ataon�ny tazom-pahefana mivika !

Edito
Alakamisy 29 Desambra 2016

Dia sanganehana indray ny rehetra fa ao anatin�ny fotoana tokony hisian�ny fitoniana sy tsy hisainana firy ny politika efa ho dridrangilo eto amin�ny firenena mihitsy no vao mainka hampanenoan�ny sasany ny anjomara sy ny siotsiokan�ny rivotra politika.

Mandeha indray ny resaka fa misy ny fikononkononana fanonganam-panjakana, izay tsy fantatra intsony marina na iniana aely fotsiny. Manimanina ny fahefana efa tsy an-tanana intsony ve ireo efa za-dratsy tsy mahandry ny andro ririnina, ka mihevitra indray ny haka fahefana amin’ny fomba mamohehatra noho ny tsy fahandrasana ny fotoam-pifidianana ? Sa kosa ireo mbola mitazona ny familiana an’i Madagasikara no efa mahina tsy enjehina amin’ny ratsy atao ka tsy misaina afa tsy ny fionganany ? Tsy misy mantsy ny finiavana hanitsy ny dia fa ny fahazaran-dratsy toy ny afera maizina ihany no mbola hatao. Tsy mahagaga raha maro no efa te handrodana azy. Ny tsy azo lavina dia samy voan’ny tazom-pahefana, ka tonga amin’ny fitenin’ny tanora hoe “mivika” na koa hoe ahoana no hitazonana ny fahefana ho eo am-pelatanana mandrakizay ? Efa rotiky ny fitiavan-tena sy fitiavan-tseza ka tsy misy fety sy andavanandro intsony fa ataon’ny tazom-pahefana miverin-tsaina !

Toky R.