Edito

Atao sorona indray ?

Edito
Alatsinainy 11 Jolay 2016

Nafampana ny toe-draharaham-pirenena tato ho ato ary tsy vitsy ireo efa elaela tsy niteny teo amin�ny sehatra politika no nipoitra indray toy ireny mesia ireny ary dia �mijapy�, hoy ny fitenenana, rehefa misy afo mitady hirehitra.

Samy manao fanambarana daholo. Ny sasany manameloka, ny hafa mitaky fametraham-pialana, ao ny miteny hoe mitsangàna ... Raha ny tantaram-pirenena aloha no jerena dia hita ho saika sorona sy fitaovana politika foana ireo izay nitoky tamin’izy ireny fa avy eo adinony ireo mbola velona na nahazo takaitra rehefa tonga eo amin’ny fitondrana izy. Matimaty foana ireo niara-nitolona tamin’izy ireo. Efa nanindroa sy nanintelo ny ankamaroantsika, araka izany, ka atsipy ny tady eny an-tandroky ny omby ary atsipy ny teny am-pon’ny mahalala mba tsy hanaiky atao sorona lava intsony anie isika.Tena tsara ny mandray andraikitra ho fanavotam-pirenena fa mila mailo ihany kosa anefa fa tsy ho ataon’ny mpikarama an’ady politika tohatra fiakarany eo amin’ny fitondrana fotsiny, manao ny ataony ihany izy rehefa tonga eo.Ary ny tena loza aza dia mamerina ny ratsy fanaon’ny teo aloha ihany ilay milaza fa hitondra fanovana..matetika.

Mirija