Edito

Ariana dia indray aloha !

Edito
Alatsinainy 19 Jona 2017

Ankatoky ny fety tokoa ary dia vao tany amin’ny fiandohan’izao volana jona izao no efa sesilany ny fanambaran’ny

manampahefana, tompon’andraikitry ny filaminana ary ny sasantsasany amin’ireo mpanao politika fa aleo samy hiatrika ny fetim-pirenena am-pilaminana sy am-pitoniana aloha. Izay minia manao hetsika an-kalamanjana ka mamofompofona fanakorontanana, hono, dia efa nahazo fampitandremana fa mety hosamborina. Ho zava-baovao ve ny vokatry ny fankalazana ny “fetim-pirenena” amin’ity ? Ny azo antoka aloha dia ariana amin’ny fampirevena izay efa nitaizana azy tamin’ny andron’ny tetezamita indray ny vahoaka a malaza manjaka eto amintsika amin’izao fotoana ny kolikoly sy ny kiantranoantrano ary ny gaboraraka rehetra. Mba tsy hifantoka ao an-tsaina rehefa difotra ao anaty revy ao fa hakarina 7,8% ny vidim-piainana raha 7,1% teo aloha kanefa ny harinkarena faobe 4,7% koa dia nidina 4,3%. Aleo hohadinoina kely aloha fa nisy mpandraharaha malaza tokony efa ho niditra teny Antanimora maherin’ny 2 volana lasa izao kanefa dia tsy fantatra mazava ny aminy ankehitriny. Tsy mbola hita koa hatramin’izao ny marina mikasika ilay baomba nipoaka teo Mahamasina tamin’ny taon-dasa. Ariana dia indray aloha ny vahoaka e !

Mirija