Edito

Aok�izay ny krizy !

Edito
Alarobia 03 Jona 2015

Ny hisavorovoroan-kilatoana, hoy ny fomba fiteny izay..mahalaza tsara ny zava-misy eto amin�ny firenena izy io raha tsy hiresaka afa-tsy ny zava-nitranga teny amin�ny antenimieram-pirenena , herinandro lasa izay isika.

Niparitaka haingana be ny vaovao tamin’izay fa hoe niongana ny filohampirenena ary 121 ny depiote nifidy ilay famerezan-jo azy .Ankehitriny dia efa mangingina ny eny Tsimbazaza eny, tsy nitratrevatreva be intsony, raha toa ka manao tohivakana kosa ny fanambarana etsy sy eroa manohana an’ingahy filoha.Fa inona marina moa no tena fototry ny olana e ?Politika mantsy no resahana eto ka sarotra ihany ny inoana fa hoe noho ny tombotsoan’ny vahoaka no nampiray hevitra tampoka ireo depiote teny Tsimbazaza.Nivoaka ny resaka omaly fa ny fandrenesana ny fikasana handrava ny antenimieram-pirenena no nahasosotra ireo olom-boafidy ka nahatonga azy ireo hanongana ny filoha.Ao koa ny feo mandeha milaza fa politika avo lenta namandrihana ankolafy politika iray iny natao iny ; misy koa ny miteny fa misy firenena vahiny tao ambadik’ireny savorovoro ireny satria tsy tiana hilamina sy handroso mihitsy i Madagasikara.Na inona na inona anefa olana dia tsy maintsy karohana ny vahaolana fa raha izao kosa no mbola hiditra krizy vaovao dia ho zava-doza e.Ka na sinema io na tena izy, dia tsara ny mifampiresaka dia mifandamina fa tsy ny lalàna no arangaranga sy atao fitaovana hifamotehana eto !

RTT