Edito

Partagé sur :
• facebook

Efa ela no niandrandra ny mba hanana tobim-pitsaboana mahaleo tena ho azy ireo mponina eny Antsahamamy Ankatso, Boriborintany faharoa. Voatery mamonjy any amin’ny toeran-kafa hatrany mantsy izy ireo rehefa manana olana,

 indrindra fa rehefa hitondra vehivavy hiteraka amin’ny alina.  Voavaha tanteraka ny olana ankehitriny. Notokanana omaly tamim-pomba ôfisialy mantsy ilay CSB II ao an-toerana, ahitana efitranon-tsekoly miisa fito,  vokatry ny tetikasan’ny ambasadaoron’i Afrika Atsimo miasa sy monina eto amintsika, tafiditra ao anatin’ny fahatsiarovana ny andro iraisam-pirenena ho an’i Nelson Mandela hanomezana fahafahana ho an’ny olon-drehetra maneran-tany.  Nanohana akaiky ny tetikasa ny Ministeran’ny Fahasalamam-bahoaka sy ny Oniverisiten’Antananarivo ary ny vondrona Axian,   amin’ny alalan’ny fondation Telma, izay manana tanjona hanatsarana hatrany ny fahasalaman’ny mponina sy fahatomombanana ara-tsakafo. Ny  Ministeran’ny Fahasalamam-bahoaka moa no hanome ny mpitsabo sy ny mpampivelona hiasa ao amin’ity CSB II iray vaovao ity, raha noraisin’ny Fondation Telma an-tànana kosa ny famatsiana ara-pitaovana, toy ny fandriana, ny latabatra  fiterahana ho an’ny vehivavy…Ny Oniverisiten’Antananarivo kosa no handray an-tànana ny fandaniana ny rano sy ny jiro hampiasaina ao, ny fitantanana ny ivon-toerana ary ny fanofanana ireo olona tsara sitrapo. Anisan’ny hahazo tombontsoa amin’izao tetikasa izao moa ireo mponina ao Ambolokandrina, Tsiadana ary Andohanimandroseza, indrindra fa ireo tena sahirana ara-pivelomana.

Pati

Tia Tanindrazana

Samia mijoro ho an'i Gasikara.