Edito

Ampianaro ny lal�na !

Edito
Alakamisy 08 Septambra 2016

Fanahy iniana ve sa tandrevaka ? Hampirisihina hatrany ny vahoaka hamantatra ny lal�na misy ao aminy kanefa na ilay lal�na aza tsy ho takatry ny sainy na dia hovakiany eo ambany masony eo.

Ny antony ? Voambolana tsy miteha-tany no sady miolakolaka no hitany ao. Lalàna amin’ny teny frantsay no adika amin’ny teny Malagasy ary dia toy ny fifaliana ho an’ny mpanao lalàna sasany mihitsy indraindray ny milaza fa “sarotra moa ny mandika teny amin’ny teny gasy”. Fa maninona moa no voatery ho teny sy lalàna mifanaraka amin’ny kolontsain’ny firenen-kafa no adika amin’ny teny Malagasy kanefa Malagasy no hampiharana ilay izy ? Tsy mahagaga raha sahirana ny mpamolavola tetikasa sasany mikatsaka ny hampandroso ity firenena ity amin’ny fitadiavana izay lafiny mba mampifandray ny lalàna sy ny kolontsaina misy eto amintsika ary zara raha mahita. Tsy mety amin’ny kolontsaina misy eto Madagasikara ny lalàna misy eto satria hatramin’izay ka hatramin’izao dia miainga avy amin’ny lalàna sy kolontsaina frantsay hatrany no namolavolana azy. Ny fampifanarahana ny lalàna amin’ny kolontsaina Malagasy misy no santatry ny vahaolana eto amin’ny firenena.

Mirija