Edito

Ambony ambany

Edito
Alakamisy 09 Jolay 2015

Mangingina eny Tsimbazaza rehefa in-droa nifampitana tamin�ny mpanatanteraka saingy tsy nahovoka ny solombavambahoaka.

Miala sasatra sady mandini-tena indray aloha ireo depiote miandry raha hisy fampiantsoana azy ireo hivory tsy ara-potoana handinika lalàna. Ny tsy fahombiazan’iny fitsipaham-pitokisana farany teo iny dia azo adika fa amin’ny depiote izany dia miasa ary mahavita azy ny governemanta fa mba resaka tiana hatavy ny ankoatra izay. Etsy an-kilany indray anefa na sendika na fiarahamonim-pirenena dia samy mampiaka-peo avokoa fa efa tena tsy rariny sy tsy azo ekena intsony izao zavatra iainan’ny Malagasy izao. Eny fa na ireo mpanao politika aza dia maro no vaky vava fa diso lalana izao fitondrana izao ary tena nandiso fanantenana ny mpifidy. Ireo mpiara-dia sy mpanohana izao fitondrana izao tany am-piandohana moa efa voatsipaka ambavafo avokoa. Vokany, fanina ny vahoaka, satria dia ambony ambany tanteraka ny toe-draharaha ankehitriny.

Jean D.