Edito

Aleo mailo ihany

Edito
Alakamisy 11 Jona 2015

Manan-danja eo amin�ny tohin�ny tantaran�i Madagasikara ity herinandro ity izay voatondro fa hivoahan�ny didim-pitsaran�ny HCC momba ilay fanonganan�ny solombavambahoaka ny filoham-pirenena

. Tsy sanatria maniry ratsy fa raha ny resaka re tetsy sy teroa tato anatin’ny andro vitsivitsy izao dia manahy ny olona fa na ho eny na ho tsia ny valin-teny dia ho avy foana ny korontana eto amin’ny tany sy ny fanjakana. Mety ny fahafantarana izany ve no mahatonga ny mpitandro ny filaminana hentitra sy masiaka amin’izao fotoana ? Ny hoe fivorivoriana na fidinana an-dalambe aloha dia sarotra tanterahana ankehitriny satria tena tsy misomonga ry zareo, manakaiky rahateo ny fankalazana ny fetim-pirenena ka tsy atao mahagaga io fahasiahany io. Midika anefa ve izany fa dia tsy hisy mihitsy ny fanehoan-kevitra ? Hanao ahoana no mety ho fihetsik’ireo depiote raha toa ka mitsipaka ny fitorian’izy ireo ny HCC ? Raha hihetsika ihany izy ireo dia hanao inona marina ? Tena manahirana ny toe-draharaham-pirenena ary mila fahamailoana tanteraka satria pitik’afo kely fotsiny dia mety efa handoro tanàna a !

RTT