Edito

Akaiky ny fandresen�ny Gasy !

Edito
Alarobia 05 Aprily 2017

Vaky ny sambon�ny mpitondra malaza amin�ny afera maizina raha ny fahitana azy ankehitriny. Manomboka ny fifaminganana sy ny kajikajin�ny isam-batan�olona ao an-dapa ka miseho masoandro sy tsy takona afenina intsony ny ady na dia niezaka namono afo ihany aza ny lohandohany sasany tany am-piandohana.

Raha nifampiaro toy ny volo ngita nifandray tendro no nahalalana azy ireo, dia efa mifanipaka toy ny valala an-karona ankehitriny noho ny ady saritaka ateraky ny fikatsahana tombontsoa mihoapampana, ka efa misy manao mpamosavy malemy, izay efa ela no nambaran’ny filoha, saingy izao vao tena miseho ho hitam-bahoaka tsikelikely. Tsy tongatonga ho azy izao fa antomotra ny fandaozan’ny mpitondra efa maintimolalin’ny laza ratsy matoa manomboka mifamotika toy izao izy ireo. Ny mpinamana sy mpiara-nigoka ny harem-pirenena aza efa mifamadika sy tsy mifampatoky, ka mifanagadra mainka fa ny vahoaka Malagasy izay efa leom-boanana ve dia mbola hametraka ny fitokisany amin’ireo ihany ? Efa manakaiky ny fandresena hirodanan’ny fanjakana mpanjakazaka sy mpihantsy ady, fa antomotra kosa ny fanjakan’ny olon-kendry, ka hanaovan’ny Malagasy ny hikam-pandresena atsy ho atsy !

Toky R