Edito

Aiza moa no handroso !

Edito
Alakamisy 22 Septambra 2016

Vaovao nalaza tamin�ity herinandro ity ny ankisisika amin�ny fampidirana mpianatra ho manamboninahitra ka voatonona ny vadin�ny filoham-pirenena sy sekreteram-panjakana miadidy ny zandarimaria.

Tany anaty fesiboky sy tranonkalana fikambanana Malagasy any ivelany any no nielezany. Nokobokobonin’ny marina ny mpitondra ka mitady izay hamaharana. Terena hampidirana resa-politika ny resaka ka nanononana ny anaran’Atoa Marc Ravalomanana ho ao ambadiky ny fivoahan’io resaka io. Miha miitatra ny fingana ara-politika isan-karazany hamelezana ity ny filoha teo aloha ity. Nandeha ny resaka Andohatapenaka izay sotasota sy fitarihana azy hihoa-pefy saingy tsy nahomby ny tetika noho ity farany tsy tia korontana. Mandeha indray ny resaka fampidirana mpianatra ho manamboninahitra ary foronina ho tompon’antoka ny tenany. Fandotoana ara-politika no betsaka noho Atoa Marc Ravalomanana atahorana mafy amin’ny fifidianana ho avy. Ho avy ihany koa ny volavolan-dalàna momba ny heloka ara-toekarena sy ara-ketra izay hamelezana ireo mpandraharaha ka maro ireo tsy mitovy hevitra amin’ny mpitondra. Ity fanjakana ity ve izany dia tsy mba hanana laza tsara ? Aiza moa isika no handroso !

Toky R.