Edito

Ady amin�ny kolikoly : orinasa Malagasy 5 voasazy

Edito
Zoma 27 Jona 2014

Tsy misomonga amin�ny ady amin�ny kolikoly ny Banky iraisam-pirenena. Orinasa Malagasy miisa 5 amin�ireo 131 nanaovan�ity rafitra mpamatsy vola iraisam-pirenena fanadihadiana hatramin�ny taona 2012 no ho mankaty mantsy no nandraisana fepetra henjana

Orinasa mampiasa olona eo amin’ny sehatry ny fanorenana ary manana ny foibeny eto an-drenivohitra daholo izy ireo. Fampiatoana amin’ireo asa sahaniny miaraka amin’ireo tetikasa vatsian’ny Banky iraisam-pirenena sy ireo rafitra mpamatsy vola manerantany toy ny Banky afrikanina misahana ny fampandrosoana no sazy mihatra amin’izy ireo hatramin’ny taona 2016, araka ny fanazavana nomen’ny tompon’andraikitra misahana ny fampandehanan-draharaha eo anivon’ny Banky iraisam-pirenena, Stephan Eggli. Mifarana amin’ny filazana ny zava-misy tsy mety no andraikitry ny rafitra, hoy ny manampahaizana tompon-toerana amin’ny Fitantana ara-panjakana ao amin’ny Banky iraisam-pirenena, Anne Lucie Lefebvre. Anjaran’ny governemanta Malagasy kosa no misahana ny fanenjehana ara-pitsarana izay manana ny fiandrianany, hoy ny fanampim-panazavany.